தென்னமெரிக்க தமிழர்கள்.....புத்தகத்தின் சிறு துளி....



"பத்தாம் நூற்றாண்டின் தொடக்கத்தில் அதாவது கி.பி. 900-களின் தொடக்கத்தில் டிக்கால் மயான சரிவை நோக்கி செல்லத் தொடங்கியது. இதற்கு காரணம் மற்ற மாயன் பேரரசுகளின் அல்லது மெக்சிக்க பேரரசுகளின் படையெடுப்புக்களோ அல்ல. கொஞ்சம் கொஞ்சமாக டிக்கால் வாசிகள் நகரத்தை விட்டு வெளியேறத் தொடங்கிவிட்டார்கள். வேறு வார்தைகளில் சொல்வது என்றால் நகரம் கைவிடப்பட்டுவிட்டது. இது டிக்கால் நகரத்திற்கு மாத்திரம் நேர்ந்த கதியல்ல அதன் சம காலத்தில் உச்சத்தில் இருந்த வடக்கு மற்றும் தெற்கு மாயன் பேரரசுகளுக்கும் நேர்ந்த கதி. மக்கள் கூட்டம் கூட்டமாக நகரங்களை விட்டு வெளியேறிவிட்டார்கள்.

இதற்கான காரணத்தை விளக்க கூடிய எத்தகைய வரலாற்று ஆதாரங்களும் இதுவரை நமக்கு கிடைக்கவில்லை. அளவுக்கு அதிகமான சனத்தொகை பெருக்கமும், அதற்கு ஈடுகொடுக்க கூடிய அளவிற்கான உணவு உற்பத்தி இன்மையும், பருவ நிலை மாற்றங்களும், மக்கள் மாயன் நகரங்களை கைவிடவைத்திருக்கவேண்டும் என்பது இன்றைய ஆய்வாளர்களின் அனுமானம். இந்த காரணங்கள் ஏற்றுக்கொள்ளக் கூடியவைகள்தான் என்றாலும் முழுமையாக இவைகள் மாத்திரமே காரணங்களாக இருக்க முடியாது என்பது மற்றொரு பிரிவு ஆய்வாளர்களின் கருத்து.

மாயன் நாகரீக கட்டிடக் கலையின் உச்சம் டிக்கால் நகரிலிருந்தே வருகிறது. மற்ற மூன்று நாகரீகங்களின் (தமிழ், எகிப்து, மெசப்பட்டோமியா) கட்டிடக் கலைக்கு எந்த வகையிலும் குறைவில்லாதது மாயன் கட்டிடக் கலை. வழிபாடு மற்றும் அரசு விழா கொண்டாட்டங்களுக்கு, நரபலி சடங்கிற்கு மற்றும் பேரரசர்களின் வசிப்பிடத்திற்கு என்று மூன்று தனித் தனி பயன்பாடுகளுக்கு டிக்காலில் கல் கட்டிடங்கள் எழுப்பப்பட்டிருக்கின்றன. மீசோ அமெரிக்க நாகரீகம் முழுவதிலும் இந்த மூன்று பயன்பாடுகளுக்காகவே பிரமிடுகள் கட்டப்பட்டிருக்கின்றன. வழிபாட்டிற்கான இடம் என்பதையும் தாண்டி பிரமிடுகள் பேரரசர்களின் உடலை அடக்கம் செய்வதற்கான இடமாகவும் பயன்படுத்தப்பட்டிருக்கிறது.

பொதுவாக மீசோ அமெரிக்க பிரமிடுகள் தாலுத்-டேப்லிரோ (Talud-Tablero style) பாணியில் கட்டப்பட்டவைகள். பேரரசுகளின் கடவுள் நம்பிக்கைகளுக்கு ஏற்ப இதன் கட்டுமான அமைப்பும், விரிவும் மாறுபடும். டிக்கால் நகரின் நார்த் அக்ரோபோலிஸ் (North Acropolis) பிரமிட் வழிபாட்டு தளங்களும், முன்டோ பெர்டிடோ (Mundo Perdido) பிரமிட் வளாகமும் டிக்கால் பேரரசு காலம் முழுவதும் திருத்தி கட்டப்பட்டு தொடர்ச்சியாக மேம்படுத்தப்பட்டவைகள். மாயன் பிரமிடுகள் (மீசோ அமெரிக்க நாகரீகம் பிரமிடுகள் முழுவதும்) இரண்டு அமைப்புக்களை கொண்டது.

அடித்தளம் மற்றும் கோயில். அடித்தளம் தாலுத்-டேப்லிரோ பாணியில் நால் பக்கமும் மேல் நோக்கி உயர்ந்து செல்லும் அதே சமயத்தில் சாய் கோணத்திலும் அமைக்கப்படும். மேலும் அடித்தளம் ஒன்பது அடுக்குக்கள் கொண்டதாக இருக்கும். அடித்தளத்தின் உயரமும், அகலமும் பிரம்மாண்டமானதாக வடிவமைக்கப்பட்டாலும் அதன் ஒன்பது அடுக்குகளில் எத்தகைய மாற்றமும் இருக்காது. அடித்தளத்தின் உச்சியிலிருக்கும் கோயில் நகரின் முக்கிய கடவுளின் உறைவிடமாக இருக்கும். அடித்தளத்தின் உச்சியில் கோயிலுக்கு முன்பாக நரபலி கொடுப்பதற்கான மேடை ஒன்றும் அமைக்கப்பட்டிருக்கும். அதேப் போல ஒவ்வொரு கா’அடுன் (இருபது ஆண்டுகளின் முடிவு) விழாவின் போதும் பேரரசர் உடல் உறுப்பை கிழித்து சிறிதாக இரத்தம் வெளியேற்றும் சடங்கு செய்வதற்கான மேடையும் இருக்கும்...."


Comments

Post a Comment

Popular posts from this blog

கண்ணுறக்க நேர கதை சொல்லியின் கதை.

Image
‘என்ன கொடும சார் இது. எல்லா வழியும் ரோமுக்கு போகுது’. 2100 வருசங்களுக்கு முன்னால நீங்க மத்திய தரை கடலை சேர்ந்த ஏதாவது ஒரு நாட்டுலயோ இல்ல மேற்கு ஐரோப்பாவுல ஏதாவது ஒரு சந்துலயோ, போய் சேர வேண்டிய இடத்தோட விலாசத்த தொலச்சுட்டு வழி தேடிக்கிட்டிருந்தீங்கன்னா இப்படித்தான் பொலம்பி இருப்பீங்க. கிரேக்க நாகரீகத்த கபளீகரம் செஞ்ச ரோம பேரரசோட மெய்கீர்த்தி அப்படி.பேரரசோட வல்லரசுன்னு சொன்னா வரலாறு கோச்சுக்காது. Age of Expansion, Age of Exploration, Age of Empires, Age of Consolidation, Age of ......கிழிஞ்சது இப்படியே போனா படிக்கிற உங்களுக்கு Age of கடுப்பு வந்துடும். இதெல்லாம் வேற ஒன்னுமில்லீங்க ரோம பேரரசர்கள் அவங்களோட நாடு புடிக்கிற ஆசைக்கு வச்சுகிட்ட punch subtitles. கட்டுக்கடங்காத ராணுவத்த கட்டுக்கடங்காம எந்த நாட்டுமேல கட்டவிழ்த்து விடலாம்னு யோசிக்கறது ரோமபேரரசர்களோட பதினாறு மணி நேர வேலைதிட்டம். உடனே ரோம பேரரசர்களோட வேலயே இதானோன்னு நினைச்சுட வேண்டாம்.ரோம பேரரசர்களோட கவனம், war -க்கு எந்த நாடும் சிக்காத பொழுது சிறிது கலைக்கும் ஈயப்பட்டது. கலைன்னா போர் கலை தொடங்கி கட்டிட கலை, சிற்பக் கலை,
Read more

மந்திரம், மந்திரவாதி.....புத்தகத்தின் வெள்ளோட்ட சிறு துளி....

Image
"வருடம் கி.மு. 1,00,000. சுமார் 13 டிகிரி வடக்கிலும் (அட்சரேகை – Latitude), 80 டிகிரி கிழக்கிலும் (தீர்க்கரேகை – Longitude) இருக்கும் அந்த நிலப்பகுதி வெப்ப மண்டல காடுகளால் சூழப்பட்ட பகுதி1. காடு என்றால் அப்படியொரு அடர்த்தியான காடுகள் அவை. அவைகளின் இடையே அடர்த்தியான மரங்கள் அற்ற சமவெளி பகுதிகளுகும் கூட உண்டு. புற்கள் நிறைந்த சமவெளி. அவைகளுக்கு இடையே சதுப்பு நிலப்பகுதிகளும் ஏராளம் தாராளம். சொல்லப்போனால் தென்னிந்திய தீபகர்பத்தின் மிகப் பெரிய சதுப்பு நிலமும் அது சார்ந்த காடுகளும் இந்த பகுதியில்தான் இருக்கிறது2. (இருந்தது கிருத்துவுக்கு முன்பு ஒரு இலட்சம் ஆண்டுகளுக்கு முன்பாக). காடுகள் அடர்த்தியாக இருக்கும் அதே சமயத்தில் முரட்டுத் தோற்றமும் கொண்டவைகள். ஆனால் அந்த முரட்டுத்தனத்தை மறைத்துக்கொண்டிருப்பது கண்களை பறிக்கும் பச்சை நிறம். அவைகள்தான் முரட்டுத்தனம் கொண்டவைகள் என்றால் அங்கே பொழியும் மழை என்பது அதைவிட முரட்டுத்தனம் கொண்டது. சுமார் மூன்று மாதங்களுக்கு (அக்டோபர் தொடங்கி டிசம்பர் வரை – வடகிழக்கு பருவ மழை) முரட்டுத்தனமாக பொழியும் இடைவிடாத மழையே அந
Read more

களப்பிரர் என்னும் கலி அரசர்

Image
கி.பி. 250 தொடங்கி கி.பி. 575 வரையான 325 வருடங்களை தமிழகத்தின், தமிழக வரலாற்றின் இருண்ட காலமாக இந்திய வரலாற்றாளர்கள் வரையறுத்திருக்கிறார்கள். இந்த உலகில் உள்ள எல்லா மனித நாகரிகத்திற்கும் இருண்ட காலம் என்று ஒன்று உண்டு. ஒரு நாகரிகத்தில் புறவயமாகவோ, எதிரிகளாலோ, தனக்குள்ளேயோ ஏற்படும் கலாச்சார சீரழிவுகளை, கொள்ளைகளை, மனித கொலைகளை, இன படுகொலைகளை அந்த நாகரிகத்தின் இருண்ட காலம் என்பார்கள். உலகில் எந்த நாகரிகமும் இந்த காட்டுமிராண்டி செயல்களிலிருந்து தப்பியது கிடையாது. இப்பொழுது நம் முன் இருக்கும் கேள்வி தமிழகத்தின் இருண்ட காலமும் இத்தகைய தன்மைகள் கொண்டவைகள் தானா என்பது. இதை சற்று விரிவாகவே நாம் பார்க்க வேண்டியுள்ளது. தமிழகத்தில் கடை சங்கம் என்று சொல்லப்படும் மூன்றாம் சங்கம் கி.பி. 150 முதல் தடையமே இல்லாமல் மறைந்துவிட்டது. சங்கம் என்பது சேர, சோழ, பாண்டியர் என்று சொல்லப்படும் மூவேந்தர்களால் தமிழ் மொழியின் இலக்கியத்தை வளர்ப்பதற்காக நிறுவப்பட்டது. முதல் தமிழ் சங்கமும், இரண்டாம் தமிழ் சங்கமும் கடல் கோளினால் (சுனாமி) அழிந்துவிட்டது. இந்த இரண்டு தமிழ் சங்கங்களின் காலமும் இன்றிலிருந்து சுமார் 50
Read more