நவீனா அலெக்சாண்டர்

இப்பொழுது எழுதிக்கொண்டிருக்கும்....."தென்னமெரிக்க தமிழர்கள்" புத்தகத்தின் சிறு துளி.... சோளம், அவக்காடா, கொக்கோ, ஸ்குவாஷ் பழ வகைகளை பருவ காலங்களில் விளைவித்து உணவு பொருளாக பயன்படுத்திவிட்டு வருடத்தின் மற்ற நாட்களில் இடம் பெயர்ந்து வேட்டையின் மூலம் கிடைக்கும் உணவுப் பொருட்களை பயன்படுத்தும் பாதி நிலையாக தங்குதல் மீதி இடம் பெயர்ந்து செல்லுதல் என்கிற வாழ்கை முறையே கி.மு. 2000 வரை நிலைத்திருந்தது. நிலையான விவசாய கிராம குடியிருப்புக்களுக்கான எத்தகைய தொல்லியல் ஆதாரங்களும் கி.மு. 2000 காலக்கட்டப் பகுதிவரை மெக்சிக்கோவின் எந்த ஒரு நிலப்பகுதியிலும் கிடைத்தப்பாடில்லை. இந்த நிலையில் திடீரென்று கி.மு. 1200-ல் ஓல்மெக் பேரரசின் முதல் தலைநகரான சான் லோரன்சோ (San Lorenzo) வரலாற்றின் வெளிச்சத்திற்கு வருகிறது. நிலையான குடியிருப்புக்கள், குடியிருப்புக்களின் தொகுப்பாக கிராமங்கள், கிராமங்களின் தொகுப்பாக வணிக நகரங்கள் பிறகு தலைநகரம் என்கிற விவசாய நாகரீகத்திற்கே உரிய படி நிலை வளர்ச்சியில் இல்லாமல் வானத்திலிருந்து உருண்டு வந்ததைப்போல சான் லோரன்சோ உருப்பெற்றது இன்றைக்கு வரை வரலாற்று புதிர்களில் ...

"அலாஸ்கா நிலப்பகுதிக்குள் நுழைந்த கற்கால மனிதர்கள் முதலில் இன்றைய கனடா பிறகு வட அமெரிக்கா அடுத்து மத்திய அமெரிக்கா இறுதியாக தென்னமெரிக்கா என்று அமெரிக்க கண்டம் முழுவதும் படிப் படியாக பரவியிருக்கிறார்கள். புதிய உலகமான (New World) அமெரிக்காவிற்குள் கற்கால மனிதர்கள் சுமார் ஒரு இலட்சம் ஆண்டுகளுக்கு முன்பே நுழைந்துவிட்டிருக்கலாம் என்று தெளிவாக தெரிந்தாலும் அவர்கள் எந்த இனத்தை சேர்ந்தவர்கள் என்பதில் இருவேறு கருத்துக்கள் இருக்கின்றன. இதை குறித்து பார்ப்பதற்கு முன்பாக மனித இனத்தின் முக்கிய இனப் பிரிவுகளைக் குறித்து அறிந்துக்கொள்வது அவசியம். இன்றைக்கு உலகம் முழுவதிலும் பல்வேறு மனித இனங்கள், அவைகளுக்கு என்று தனித்த மொழி, கலாச்சாரங்கள் இருந்தாலும் அனைத்தும் நான்கு முதன்மை இனத்திலிருந்து கிளைத்து உருவானவைகளே. நீக்ராய்ட், ஆஸ்டிரலாய்ட், காக்கசாய்ட் மற்றும் மங்கோலாய்ட். நீக்ராய்ட் ஆப்பிரிக்க கருப்பின மக்களையும் அவர்களின் கிளைப் பிரிவுகளையும் உள்ளடக்கியது. ஆஸ்டிரலாய்ட் தமிழர்களையும் தென்கிழக்காசிய மக்களினத்தையும் உள்ளடக்கியது. காக்கசாய்ட் ஐரோப்பிய வெள்ளையின மற்றும் ஆரிய மக்களின...

"வடக்கு அமெரிக்க கண்டம் மற்றும் தெற்கு அமெரிக்க கண்டம். இன்றைக்கு வடக்கு கண்டம் அமெரிக்கா (United States of America) என்றும் தெற்கு கண்டம் தென்னமெரிக்கா என்றும் குறிப்பிடப்படுகிறது. இன்றைக்கு இந்த இரண்டு கண்டங்களும் ஐரோப்பிய இனங்களின் குடியேற்றத்தால் நிறைந்திருக்கிறது. அமெரிக்கா ஆங்கில மொழி பேசுபவர்களால் பெரும்பான்மையாகவும், தென்னமெரிக்கா ஸ்பானிய மொழி பேசுபவர்களை பெரும்பான்மையாகவும் கொண்டிருக்கிறது. குடியேற்றக்காரர்களால் நிறைந்திருக்கிறது என்றால் அந்த மண்ணின் பூர்விக குடிகள் அவர்கள் இல்லைப்போலும் என்கிற பொருள்தானே கொள்ளவேண்டியிருக்கிறது. நிச்சயமாக அப்படித்தான். ஏனென்றால் அந்த இரண்டு பெரும் கண்டங்களின் பூர்விக மண்ணின் மைந்தர்கள் ஐரோப்பிய இனங்கள் கிடையாது. அவைகளுக்கு என்று தனித்த வரலாறு உண்டு. மண்ணின் மைந்தர்களின் தனித்த நாகரீகங்கள் உண்டு. அந்த மண்ணிற்கே உரிய வரலாறும் மைந்தர்களும் அழிக்கப்பட்டு இரத்த சரித்திரமாக வரையப்பட்டதே இன்றைய அந்த கண்டங்களின் முகம். இரத்த கரையை மறைத்திருக்கும் நவீன முகத்தைவிட மண்ணின் மைந்தர்களின் உண்மை முகத்தை அவர்களின் வரலாற்றை தெரிந்துக்க...

மாற்று சினிமா திரைக்கதை அமைப்புக்கள்...... புத்தகத்தின் முன்னோட்ட சிறு துளி.... "இந்த புத்தகத்தின் முதல் சில அத்தியாயங்களில் நடைமுறையியல் குறித்தும் கட்டமைப்புவாதம் குறித்தும் விரிவாக பார்த்தோம். அவைகளின் அடிப்படை கோட்பாடுகளில் ஒன்று படைப்பாளியால் எழுத்தைக்கொண்டு எதார்த்த உலகை அப்படியே கதைகளில் மீட்டுருவாக்கம் செய்ய முடியாது என்பது. படைப்பாளி என்னத்தான் இலக்கியம் என்கிற பெயரில் தலை கீழா நின்று வார்த்தை மாயவித்தை காட்டினாலும் எதார்த்த உலகை எழுத்துக்களால் பிரதிபலிக்க முடியாது. இதைத்தான் நமக்கு நடைமுறையியலும் கட்டமைப்புவாதமும் மொழியியல் ஆராய்ச்சிகளின் வழி தெளிவுப்படுத்துகின்றன. எழுத்துக்களால் ஆன நாவல் அல்லது கதைகளையும், காட்சிகளால் ஆன திரைப்படங்களையும் (திரைக்கதை) ஒப்பு நோக்கும் வேலையில் எழுத்துக்களால் எதார்த்த (realistic) உலகை பிரதிபலிக்க முடியாது என்கிற விமர்சன அறிவியல் கருத்து (நடைமுறையியல் மற்றும் கட்டமைப்புவாதம்) முக்கியத்துவம் கொண்டதாக இருக்கிறது. கதையாக கற்பனை செய்து பிறகு அதை திரைக்கதையாக மாற்றுவதாக இருந்தாலும், நல்ல நாவல் ஒன்றை திரைப்படத்திற்கு ஏற்...

உலக சினிமாக்களின் திரைக்கதை அமைப்புக்கள்.... புத்தகத்தின் சிறு துளி.... "ஃபேபுலா (கதை) மற்றும் சியோசட் (பிளாட்): ஃபேபுலா என்பது கதை. சியோசட் என்பது ஒரு கதை சொல்லப்படும் விதம். இது இரண்டையும் ஒரு உதாரணத்தின் மூலம் பார்ப்போம். ராஜ் பிறந்தது சற்று வசதியான குடும்பத்தில்தான். அவனுடைய தலைமுறைக்கு வீட்டில் அக்கடா என்று உட்கார்ந்து சாப்பிட்டு அழிக்கும் அளவிற்கு வசதி உண்டு. அப்படி இருந்தும் பணத்தின் மீது அவனுக்கு பிடிப்பு. அதிலும் குறுக்கு வழியில் பணம் அவனை வந்தடைய வேண்டும் என்பது அவனுடைய இலட்சியம் என்று கூட சொல்லலாம். அதை சாத்தியப்படுத்த அவன் ஒரு வங்கியை கொள்ளையடிப்பது என்று திட்டம் போட்டு ஒரு நாள் வங்கி கொள்ளையிலும் ஈடுபட்டான். கொள்ளையடிக்கும்போது போலீசிடம் சிக்கிக்கொண்டு இறுதியில் சிறைக்கு சென்றான். இது கதை. பேராசை பிடித்த ஒருவன் சட்டத்திற்கு புறம்பாக நடந்து சட்டத்தால் தண்டிக்கப்பட்டான் என்பது இந்த கதையின் அடிப்படை. இதே கதையை எப்படி வேண்டுமானாலும் சொல்ல முடியும். அப்படி சொல்வதே சியோசட் (பிளாட்). பேராசை, திருட்டு, சட்டத்தால் தண்டிக்கப்படுதல் இவைகள் செயல...

உலக சினிமாக்களின் திரைக்கதை அமைப்புக்கள்.... புத்தகத்தின் முன்னோட்ட சிறு துளி.... "பின்கட்டமைப்பு வாதம் (Poststructuralism) அறுபதுகளுக்கு பின்பும் எழுபதுகளின் தொடக்கத்திலும் கவனம் பெற்று தலையெடுக்கத் தொடங்கியது பின்கட்டமைப்பு வாதம். கட்டமைப்பு வாதத்தின் உட் பிரிவு, கிளை பிரிவு, மற்றொரு பகுதி, அதின் ஒரு பாகம் என்று எப்படி வேண்டுமானாலும் பின்கட்டமைப்பு வாதத்தை வகைப்படுத்த முடியும். அதே சமயத்தில் கட்டமைப்பு வாதத்திற்கு எதிரான போக்கை கொண்டது பின்கட்டமைப்பு வாதம் என்றும் சொல்ல முடியும். கட்டமைப்பு வாதத்தை போலவே பின்கட்டமைப்பு வாதமும் மொழியியலை அடிப்படையாக கொண்டிருந்தாலும் சில அடிப்படை கருத்து நிலைகளில் அது கட்டமைப்பு வாதத்திலிருந்து வேறுபட்டு நிற்க கூடியது. யதார்த்த உலகிற்கும், மனித வாழ்வியலுக்கும் அதை குறிப்பிட பயன்படுத்தப்படும் மொழிக்கும் உள்ள வித்தியாசத்தையும் (signifier & signified), வார்த்தைகள் தனக்கு முன் மற்றும் பின் இருக்கும் வார்தைகளில் இருந்தும் தனக்கான அர்த்தங்களை பெறுகிறது, மொழிக்கும் முன்பே இருத்தல் (presence – உலக படைப்புக்கள் அனைத்...

உலக சினிமாக்களின் திரைக்கதை அமைப்புக்கள்: An Introductory To Next Gen Screenwriting.... புத்தகத்தின் முன்னோட்ட சிறு துளி... "இருபதாம் நூற்றாண்டின் இடைப்பகுதி வரையில் (அதாவது 1960-களுக்கு முன்பு வரை) இலக்கியமாக கருதப்படும் எழுத்துக்களில் சமகால அரசியலின் பிரதிபலிப்பை விமர்சன ரீதியில் தேடுவதும் ஆராய்வதும் வாசிப்பு அனுபவத்திற்கு இடையூறை ஏற்படுத்துவதாக இருக்கும் என்கிற எழுதப்படாத நம்பிக்கை பரவலாக நடைமுறையில் இருந்தது. இந்த நம்பிக்கையை உடைத்துக்கொண்டு உருவெடுத்தது எழுத்துக்களின் அரசியல் விமர்சனம். பின்கட்டமைப்புவாத (Poststructuralism) காலக்கட்டத்தில் (1980-களுக்கு பிறகு) எழுத்துக்கள் பிரதிபலிக்கும் சமூக-அரசியல் சூழ்நிலை என்பது பழமை வாதமாக பார்க்கப்பட்டாலும் விமர்சன கலையில் அவைகளுக்கான இடம் முற்றிலுமாக மறுக்கப்படவில்லை. மேற்கை பொருத்தவரையில் எழுத்துக்களின் சமூக-அரசியல் பிரதிபலிப்பு என்பது மூன்று நிலைகளில் வெளிப்படுகிறது. அவை மார்க்ஸ்சிசம், பெண்ணியம் மற்றும் இன வாதம் (வெள்ளை – மற்ற இனங்கள்). நம்மை பொருத்தவரையில் இனவாதம் என்பது இரண்டு கிளைகளாக பிரியக் கூடியது. திராவிடம் மற்றும் தலித்...